पुणे येथील महात्मा गांधी रस्त्यावर सराफ व्यावसायिकावर हल्ला
..
Written by लोकनामा ऑनलाईन महाराष्ट्र 2023-12-03 13:03:06
पुणे : महात्मा गांधी रस्ता परिसरात सराफ व्यावसायिकावर कोयत्याने वार केल्याची घटना २ डिसेंबर रोजी रात्री घडली. हल्ल्यामागचे कारण अद्याप अस्पष्ट आहे. विनय मेहता असे सराफ व्यावसायिकाचे नाव आहे. याप्रकरणी रात्री उशीरा लष्कर पोलीस ठाण्यात गुन्हा दाखल झाला.
सविस्तर माहितीनुसार, मेहतांची लष्कर भागातील सेंटर स्ट्रीट परिसरात सराफी पेढी आहे. २ डिसेंबर रोजी रात्री ९ च्या सुमारास ते सराफी पेढी बंद करुन घरी निघाले होते. त्यावेळी हल्लेखोरांनी त्यांच्यावर कोयत्याने वार केले. मेहता यांना खासगी रुग्णालायत दाखल केले. फरार हल्लेखोरांचा शोध घेण्यासाठी पोलिसांची पथके रवाना झाली आहे. या घटनेची माहिती मिळताच वरिष्ठ पोलीस अधिकाऱ्यांनी घटनास्थळी धाव घेतली.
