मुंबई : भारत व ऑस्ट्रेलियातील पाचवा आणि शेवटचा टी 20 सामना 3 डिसेंबर रोजी बंगळुर येथे होणार आहे. त्याआधी बंगळुरू पोलिसांनी चौथ्या टी - 20 सामन्यावेळी प्रो पाकिस्तान घोषणाबाजी करणाऱ्या 2 भारतीयांना ताब्यात घेतले आहे. नुकत्याच झालेल्या वनडे वर्ल्डकपदरम्यानही पाकिस्तानी चाहत्यांना पाकिस्तान झिंदाबादच्या घोषणा देण्यापासून रोखले.

 बंगळुरूच्या न्यू गुराप्पना पालया भागात राहणाऱ्या इनायत व सईद मुबारक यांना अटक केली आहे. मोकाहॉलिक पबमध्ये हे दोघे  सामना पाहत होते. सामना पाहत असताना रात्री 10.30 च्या दरम्यान पब मॅनेजर सुधीर सिंह यांनी सामना सुरू असताना भारत माता की जय अशी घोषणा दिली. 

त्यावर सईद मुबारक आणि त्यांच्या मित्राना पाकिस्तान झिंदाबादची घोषणा दिल्याचा दावा केला जात आहे. घटनेनंतर सिंह आणि या दोन युवकांमध्ये वाद झाला. पबने पाकिस्तान झिंदाबादचे स्लोगन चालणार नाही असे सांगितले. त्यानंतर मॅनेजरने पोलिसांना बोलवलं. दरम्यान, पोलिसांनी इनायत आणि सईद यांना पकडलं, तर दोन मित्र पळून गेले.