धाराशिव: एका किराणा दुकानात   कुरकुरे घेण्यासाठी आलेल्या ९ वर्षीय चिमुकलीवर अत्याचार करण्यात आल्याची धक्कादायक घटना धाराशिव जिल्ह्यातील तुळजापूर येथील एका गावात घडली आहे.  दि. १६ सप्टेंबर रोजी सायंकाळी पाचच्या सुमारास  ही घटना घडली . 

पिडीत चिमुकली ही खायला कुरकुरे घेण्यासाठी घराबाहेर आली होती, यावेळी नराधमाने तिला घरात बोलावून घेत तिच्यावर अत्याचार केले. तरुणाने अत्याच्यारानंतर सदर घटना बाहेर कोणालाही सांगू नको म्हणत जीवे मारण्याची धमकी देखील दिली. सदर, पिडीतेवर जिल्हा रुग्णालयात उपचार सुरू असून, पोलिसांनी पीडितेच्या आईने दिलेल्या तक्रारीवरून गुन्हा दाखल करण्यात आला आहे. 

गेल्या काही दिवसांपासून लहान मुलींवरील अत्याचाराच्या घटना वाढल्या आहेत. या संदर्भातील गुन्ह्यांची उकल, गुन्हेगारांना झालेली शिक्षा याचाही या घटनांच्या अनुषंगाने नव्याने अभ्यास करण्याची वेळ आली आहे.