सिन्नर:-  सिन्नर तालुक्यातील वडगाव पिंगळे येथे तीन अल्पवयीन चिमुकल्यांना विहिरीत लोटून जीवे मारण्याचा प्रयत्न करण्यात आल्याचे उघडकीस आले आहे.  शेजारच्या विहिरीत कासव असल्याचे सांगत मुलांना विहिरीत ढकलण्यात आले आहे. याप्रकरणी एका संशयित आरोपीस पोलिसांनी ताब्यात घेतले आहे.

अधिकची माहिती अशी की,   संशयित अमोल लांडगे याने तिघा शाळकरी मुलांना शेजारच्या विहिरीत कासव असल्याच सांगितले आणि विहिरीत ढकलून दिले. त्यातील एकांने विहीरीतील दोरीला पकडून स्वतः सावरत इतर दोघांचा जीव वाचवला आहे.  अमोल लांडगे, विक्रम माळी, साईनाथ ठमके  अशी संशयितांची नावे आहेत.

दरम्यान, आपला जीव वाचवत घरी पोहोचल्यावर  शाळकरी मुलांनी आई-वडिलांना संपूर्ण घटना सांगितली आणि  त्यानंतर पोलिसांत तक्रार दाखल करण्यात आली.   सिन्नर पोलिसांनी अमोल लांडगे या संशयिताला  ताब्यात घेतले असून पुढील तपास सुरू आहे.