गोवंशाची चोरी करताना चौघांना अटक
मालेगाव येथील हजार खोली परिसरातील प्रकार
Written by लोकनामा ऑनलाईन गुन्हेगारी 2024-09-23 13:51:38
लोकनामा प्रतिनिधी
आराई : मालेगावच्या हजार खोली परिसरातून गोवंश चोरून नेताना चार भामट्यांना शनिवारी पहाटे आयेशानगर पोलिसांनी अटक केली. त्यांच्यावर विविध कलमान्वये गुन्हा दाखल केला. याबाबत माहिती अशी की, २१ सप्टेंबरला पहाटे साडेचारच्या सुमारास हजार खोली परिसरातील गट नंबर एक, घर नंबर ५९, मालेगाव येथे तौसिफ अहमद (वय २०), आरिफ खान (२७), मुजम्मिल खान (२९) व एक अल्पवयीन हे गोवंश चोरून नेताना आयेशानगर पोलिसांनी त्यांना पकडले
. त्यांच्यावर आयेशानगर पोलीस ठाण्यात गुन्हा दाखल केला. त्यांना अटक केली. याबाबत सहाय्यक पोलीस निरीक्षक प्रशांत अहिरे यांच्या मार्गदर्शनाखाली तपास सुरू आहे. दरम्यान, मालेगाव येथील मोमीनपुरा व कुतुब हॉटेल परिसरातील हे चौघे असून, ते सराईत तस्कर आहेत. दिवसा किंवा रात्री कुठे गोवंश बांधलेले आढळल्यास ते नजर ठेवून त्या गोवंशाची चोरी करतात. कत्तलखान्यात पोहोचवतात. शेतकऱ्यांनी गोवंशाची काळजी घ्यावी, असे मानद प्राणी कल्याण अधिकारी ज्ञानेश्वर महाजन यांनी सांगितले.
