सारेगम लिटिल चॅम्प्स स्पर्धेत सहभागी झालेले मुग्धा वैशंपायन, प्रथमेश लघाटे रसिकांमध्ये खूप लोकप्रिय झाले होते. मात्र, आता हे दोघे एकमेकांचे आयुष्याचे जोडीदार झाल्यापासून त्यांच्या जोडीवरही रसिक भरभरून प्रेम करताहेत. मुग्धा व प्रथमेश दोघेही शास्त्रीय संगीत शिकलेले असून, त्यासाठीच ते एकत्र मैफली करतात. विविध शहरांत आयोजित त्यांच्या 'मर्मबंधातली ठेव' या मैफलीला छान प्रतिसाद लाभतोय. आता मात्र मुग्धा-प्रथमेश थेट सातासमुद्रापार ही मैफल करायला पोहोचले आहेत. दोघेही सध्या ऑस्ट्रेलियात असून, तेथे त्यांचा हा कार्यक्रम होणार आहे. त्यानंतर न्यूझीलंड येथेही त्यांची मैफल होईल. मुग्धा-प्रथमेशने ऑस्ट्रेलियातील काही सुंदर फोटो शेअर केले आहेत.  त्यांच्या या विदेश दौऱ्यातील फोटोंवर चाहते कौतुकाचा वर्षाव करत आहेत.