मुंबई : - तुम्ही ठाकरे आहात तर ठाकरेंसारखे राहा , दिल्लीचे बूट चाटू नका, देवेंद्र फडणवीसांची पालखी वाहू नका,  असा हल्लाबोल संजय राऊत यांनी मनसे अध्यक्ष राज ठाकरे यांच्यावर केला आहे. विक्रोळीतील महाविकास आघाडीचे उमेदवार सुनील राऊत यांच्या प्रचारार्थ सभेत संजय राऊत बोलत होते. 

          राज ठाकरे म्हणताय , इकडे भिकारडा संपादक राहतो. बरोबर आहे...पंतप्रधान नरेंद्र मोदी यांनी महाराष्ट्र भिकारी केलेला आहे आणि त्या मोदींचे आपण पाय चाटताय. बाळासाहेब ठाकरेंनी नेमलेल्या संपादकाला तुम्ही भिकारडा म्हणतात, यावरुन तुमचं बाळासाहेब ठाकरेंवरील प्रेम दिसून येते, असा टोला  संजय राऊत यांनी लगावला.  

          आम्ही बाळासाहेबांचे कडवट शिवसैनिक आहोत. आम्ही आमची निष्ठा विकली नाही, आम्हाला ईडीने अटक केली म्हणून आम्ही  मैदान सोडून पळून गेलाे नाही. आमच्यावर देखील दबाव आले, पक्ष सोडा, उद्धव ठाकरेंना सोडा मात्र आम्ही  बाळासाहेबांच्या नावाचा फगवा फडकवत राहिलो,  तुम्हाला एकदा ईडीने काय बोलावले, तुम्ही दोन वर्षे कोमात गेलात. तुम्ही ठाकरे आहात ना मग ठाकरेंसारखे रहा अशी सणसणीत टीका राऊत यांनी यावेळी राज ठाकरेंवर केली.