ब्रिस्बेन :- पहिल्या डावात फॉलोऑन टाळल्यानंतर आणि दुसऱ्या डावात विजयासाठी फक्त २७५ धावांचे आव्हान मिळाल्यानंतर भारतीय संघाच्या विजयाच्या आशा पल्लवित झाल्या होत्या. भारताला मालिकेत २-१ अशी आघाडी घेण्याची चांगली संधी चालून आली होती. मात्र भारताच्या या आशेवर पावसाने पाणी फिरवले.   पाऊस आणि खराब हवामानामुळे  गाबा कसोटी सामना अनिर्णित राहिल्याचे जाहीर करण्यात आले. केएल राहुल आणि रवींद्र जडेजा यांनी पहिल्या डावात शर्थीचे प्रयत्न केले होते.  या प्रयत्नांना यश आल्याने हा सामना अनिर्णित राहण्यात भारताला यश आले. 

गाबा कसोटी अनिर्णित राहिल्याने पाच सामन्यांच्या कसोटी मालिकेत दोन्ही संघ १-१ बरोबरीत आहेत.  ऑस्ट्रेलियामधील चौथा कसोटी सामना मेलबर्न येथे होणार आहे. 

दरम्यान, गाबा कसोटीत सुरुवातीपासूनच कांगारुंनी वर्चस्व राखले होते. भारतावर पराभवाची टांगती तलवार होती. परंतु चौथ्या आणि पाचव्या दिवशी भारताने जबरदस्त कमबॅक पराभव टाळला.  जसप्रीत बुमराहने गाबा कसोटीत एकूण नऊ बळी घेतले. तर केएएल राहुल  व रवींद्र जडेजा यांची अनुक्रमे  ८४ व ७७ धावांची खेळी या कसोटीसाठी सर्वात चमकदार कामगिरी ठरली.