येणारा काळ, येणारा जमाना हा एआय अर्थात आर्टिफिशियल इंटेलिजन्सचा असणार आहे. अनेक कामे एआयमुळे चुटकीसरशी करता येणार आहेत. कल्पनाविष्काराचे हे अनोखे विश्व असणार आहे. अनेक गमतीजमती यामुळे अनुभवता येणार आहेत. जे केवळ कल्पनेत होते, ते आता एआयच्या मदतीने तुम्ही प्रत्यक्ष पाहू शकणार आहात. फेसबुक, व्हॉट्‌सॲपवर याची सुरुवात झाली आहे. अनेक पोशाखांमधील तुम्ही स्वप्नातही विचार न केलेला लूक एका क्लिकसरशी पाहता येऊ लागला आहे. असो, या एआयनेच आता सलमान खान-आणि ऐश्वर्या राय या दोघांना एकत्र आणले आहे. सलमान-ऐश्वर्याची लव्हस्टोरी सर्वश्रुत आहे. दोघे लग्नबंधनात अडकू शकले नाहीत. मात्र त्यांची प्रेमकहाणी आजही चर्चिली जाते. या दोघांना एआयने एकत्र आणून भन्नाट फोटो क्रिएट केले आहेत. सलमान-ऐशचे हे एआय फोटो चर्चेत आहेत. या फोटोंमध्ये कधी दोघे वडापाव, तर कधी आइस्क्रीम खाताना दिसताहेत. तर कधी समुद्राच्या लाटांमध्ये आउटिंगचा आनंद घेतानाही ते दिसताहेत. एका फोटोत ऐश सलमानला डबल सीट घेऊन बाइक चालवताना दिसते, तर कधी दोघे एकत्र शॉपिंग आणि कॉफीचा आनंद लुटताना दिसताहेत.