जळगांव :- हळदीचा कार्यक्रम आपटून रावेरकडे येत असताना  चालकाचे नियंत्रण सुटल्याने झाडावर कार आढळल्याने झालेल्या भीषण अपघातात तीन जणांचा जागीच मृत्यू झाला आहे  जळगाव जिल्ह्यातील रावेर शहरातील सहा मित्र हळदीचा कार्यक्रम आपटून रावेरकडे येत होते.  सावदा पिंपरुड रस्त्यावर भरधाव वेगाने जात असलेली कार होंडा सिटी कार झाडावर आदळली.  अपघातात अन्य तीन जण गंभीर जखमी  झाले आहेत.

 मध्यरात्रीच्या सुमारास ही घटना घडली.  या अपघातात होंडा सिटी कार पूर्णपणे चक्काचूर झाली आहे. जखमींवर जळगावमध्ये खासगी रुग्णालयात उपचार सुरू आहेत.  मिळालेल्या माहितीनुसार मयत झालेल्यांची नावे शुभम सोनार, मुकेश  रायपूरकर, जयेश भोई ( रा. रावेर ) अशी आहेत. तर गणेश भोई, अक्षय उन्हाळे व विकी जाधव हे गंभीर जखमी झाले आहेत. या घटनेने सर्वत्र हळहळ व्यक्त असून रावेरमध्ये  शोककळा पसरली आहे.