मुंबई : बॉलिवूडचा 'भाईजान' सलमान खानने त्याचा ५९ वा वाढदिवस आपल्या भाचीसोबत केक कापून साजरा केला. सोशल मिडियावर सलमानच्या या सेलिब्रेशनचे काही फोटोज व व्हिडिओज शेअर होताना दिसत आहेत.   संगीतकार साजिद खाननं त्याच्या इंस्टाग्राम अकाउंटवर सलमान खानच्या वाढदिवसाचा एक व्हिडिओ शेअर केला आहे. यात सलमान हा बहीण अर्पिता खान शर्माबरोबर दिसत असून  त्याची कथित गर्लफ्रेंड युलिया वंतूर देखील या व्हिडिओमध्ये दिसत आहे.  याशिवाय सलमानचा मेव्हणा आयुष शर्मा मुलगी आयतसोबत या सेलिब्रेशनमध्ये सहभागी झाला .   अलविरा खान अग्निहोत्री, निरवान खान, अरबाज खान, शूरा खान, बॉडीगार्ड शेरा हे देखील उपस्थित होते. दरम्यान साजिद खान याने देखील व्हिडिओ शेअर करत सलमानला शुभेच्छा दिल्या. याशिवाय सलमानच्या वाढदिवसाच्या सेलिब्रशनमध्ये रितेश देशमुख, जेनेलिया देशमुख, बॉबी देओल यांनी देखील हजेरी लावली होती. सलमानच्या वाढदिवसाचे सेलिब्रेशन अर्पिता खान शर्माच्या घरी करण्यात आले होते. सलमान खानवर वाढदिवसानिमित्त बॉलिवूड कलाकारांनी  सोशल मीडियावर शुभेच्छा दिल्या.  दरम्यान सलमानचा आगामी चित्रपट 'सिकंदर' २०२५  मध्ये  ईदच्या मुहुर्तावर प्रदर्शित होणार आहे. या चित्रपटामध्ये रश्मिका मंदान्ना आणि काजल अग्रवाल यांच्या भूमिका आहेत.